Harrera ona izan du Urdaibai Bird Centerreko autogida zerbitzuak

Busturialdeko Hitza

Busturialdea

2013/09/03

Zenbait bisitari, audiogidekin

Uztailaren 1ean hasi zen Gautegiz Arteagan dagoen zentroa bisita gidatuak eta autogida zerbitzua eskaintzen bisitariei, eta, hango arduradunek azaldu dutenez, harrera ona izan dute biek ala biek. Bisita autogidatuek zentroa modu autonomo batean ezagutzeko aukera ematen diote bisitariari, audiogiden laguntzaz informazio zehatz eta ulerterraza eskuratzen delarik. Irailaren 15era arte emango dute bisita gidatuetan parte hartzeko aukera, ia egunero, 11:30etik aurrera. Egun bikoitietan euskara da bisiten lehentasunezko hizkuntza, eta bakoitietan gaztelera. Astelehenetan, aldiz, zentroa itxita dago. Ordubete eta erdiko iraupena dute bisita gidatuek, eta zentroko teknikariek gidatuko dituzte. Besteak beste, Urdaibairi buruzko azalpenak eta zentroak martxan dituen proiektuen inguruko argibideak ematen dituzte. Autogidak baliatzea erabakitzen dutenek euren kabuz egingo dute bisita. Hogei pertsona onartzen dituzte taldeko, eta, beraz, kopurua mugatua denez, erreserba aldez aurretik egiteko gomendioa egin du Aranzadi Zientzia Elkarteak kudeatzen duen zentroak. Horretarako, 699-839 202 telefonora deitu behar da, edo birdcenter@birdcenter helbide elektronikora mezu bat bidali. Salneurriak Bisita arruntak 8 euro balio duen artean, bisita autogidatuek 5 euroko salneurria edukiko dute. 5 urtetik 12 urtera arteko umeek, dena den, 2 euro ordaindu beharko dituzte –4 euro bisita gidatuen kasuan–. Baterako zein besterako, 4 urtera arteko umeek ez dute ezer ordaindu beharko. Beste alde batetik, ordutegia be zabaldu du Urdaibai Bird Centerrek, “Urdaibai biosfera erreserbara uda sasoian datozen bisitariek zentroa bisitatzeko aukera izan dezaten”. Hala, martitzenetik domekara bitartean 10:00etatik 14:00etara eta 16:00etatik 19:00etara dago zabalik.

Harrera ona izan du Urdaibai Bird Centerreko autogida zerbitzuak

Bizkaia

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman

Bidesariaren aurkako plataformak AP-68agatik ez ordaintzera deitu ditu gidariak

Santurtziko Udalak aitortu du udaltzainek ez dietela Ander S.T.-ren heriotza eragin zuen atxiloketari buruzko informazio osoa helarazi

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura

Gogora-k Urduñako espetxe frankistan hil ziren beste bost presoren gorpuzkiak identifikatu ditu

Aburtoren legatuari ez ezik, EH Bilduk agintean egiten duenari erreparatu dio EAJk Bilboko osoko bilkuran

Bizkaiko gasolindegien mahaian euskaraz negoziatzeari uko egitea egotzi die ELAk patronalari eta CCOOri

Santurtzin hildakoaren kontra taser pistola erabili zuten zoruan immobilizatuta zegoela

Zabalik da Durangoko Azokarako proposamenak bidaltzeko epea