Infernua izango da protagonista XIII. Gorefest jaialdian
Spookypheria Productions elkarteak Bermeoko Udalaren Gazte Informazio Zerbitzuarekin (GIZ) antolatzen du Gorefest jaialdia eta hamahirugarren edizioa dute aurtengoa. Antolatzaileek azaldu legez, aurten infernuarekin eta deabruarekin zerikusia duten beldurrezko filmek izango dute garrantzia jaialdian.
Beldurra, gorea, suspensea eta umore ona gustoko dutenek hitzordu “garrantzitsua eta berezia” dute barikuan Gorefestarekin. 20:30ean hasiko da jaialdia, eta ohi legez, Nestor Basterretxea aretoan izango da.
Joan gura dutenek hiru euroko sarrera ordaindu beharko dute. Jaialdiaz, baina, 15 urtetik gorakoek bakarrik gozatu ahalko dute.
Munduko hainbat tokitako zazpi film laburrekin hasiko da Gorefest jaialdia.
aktoreetako bat iazko jaialdian
- Love Hurts (Shariff Nasr)
- La apuesta de Pascal (David Galan Galindo)
- Mama (Andy Muschietti)
- Curvas (David Galan Galindo)
- 4.B (David Galan Galindo)
- Fist of Jesus (Adrian Cardona & David Muñoz)
- Vicenta (Sam)
