Hamalau belaontzik parte hartu dute Hiru Itsasadarren Estropadan

Busturialdeko Hitza

Busturialdea

2013/07/15

Argazkia: Crusoe Treasure

Zapatuan jokatu zen Bilboko eta Plentziako itsasadarrak eta urdaibai lotu dituen estropada, eta bigarren edizioa izan den horretan, hamalau belaontzi elkartu dira. Bilboko Itsas Museoaren kaian egin zuten irteera neutralizatua, zapatuan, 09:30ak aldera, eta irteera ofiziala Gorlizko buiatik egin zuten. Plentziako itsasadarra zeharkatu ostean iritsi ziren belaontziak Bermeora, eguerdian. Azkarrena Irrintzi izeneko belaontzia izan zen, Kepa Azarloza Goirik gidatutakoa. Euskadiko Biodibertsitate Zentroan elkartu ziren parte hartzaileak estropadaren ostean, han egin baitzuten sari banaketa ekitaldia. Sari nagusia Portsmoutherako (Erresuma Batua) joan-etorriko bidaia izango da. Euskadiko Biodibertsitate Zentroak, Bilboko Itsasadarra Itsas Museoak, Crusoe Treasurek eta Orza Getxoko Abrako Kirol Portuko Armadoreen eta Patroien Elkarteak antolatutako probaren helburua “herritarrak itsasoak eta itsasadarrak babestearen garrantziaz sentsibilizatzea da, baita Euskadiko ingurumen-kapitalaren askotarikotasuna, funtzioak eta aberastasuna erakustea ere”.