18 artzain txakur erregistratu dituzte Busturiko erakusketa monografikoan

http://youtu.be/Z-Czi1s6sIA

Busturialdeko Hitza

Busturialdea

2013/07/15

Txakur bat ardiak gobernatzen, zapatuan

Busturiko XX. euskal artzain txakurren erakusketa monografikoa egin zuten zapatuan, Aurtengo edizioan 47 txakurrek parte hartu dute, horietatik, 18 artzain txakur berri erregistratu dituzte, Guillermo Olaortua epaimahaikidearen esanetan. Aurtengo edizioan “kalitateak gora” egin duela aipatu du Olaortuak; izan be, artzain txakurra dela ziurtatzen duen agiria bila hurbildu ziren 20 parte hartzaileetatik, bi bakarrik kanporatu zirela jakinarazi du Olaortuak. Datuak “oso onak” direla dio, azkeneko urteetakoak kontuan izanik, “azken sei urteetako daturik onenak dira, erregistro barri asko izan baitira”. Aurreko urteetan agiria jaso duten euskal artzain txakurrek, barriz, edertasun txapelketan parte hartu zuten, honakoak izan dira aurtengo txakurrik ederrenak: Gorbeiakoa – Arra: Ferrari de Pardarri (Juan Antonio Maiza) – Emea: Lur (Jose Mari Jauregi) – Arrazaz hobeena: Ferrari de Pardarri (Juan Antonio Maiza) Iletsua – Arra: Amezketa (Juan Antonio Maiza) – Emea: Gorri (Juan Antonio Maiza) – Arrazaz hobeena: Gorri (Juan Antonio Maiza) Euskal Herriko txapelketan, bestalde, edertasuna eta ardiekin egindako lana kontuan izan dituzte eta honakoak izan dira aurtengo irabazleak: Gorbeiakoa – Arra: Leze (Jose Mari Jauregi) – Emea: Legun (Eusebio Bengoetxea) Iletsua – Arra: hutsik geratu da, irabazlerik barik. – Emea: Perla (Eusebio Bengoetxea)