Gabriel Arestiren hitzaldi bat antzeztuz hasiko dituzte aurten Eako Poesia Egunak
Aurreko urteetan bezala, aurten be, Poesia Egunez gozatzeko aukera izango dute herritarrek Ean, Herrijeri Emon Arnasa Kultura Taldearen eskutik. Hain zuzen, uztailaren 19an, 20an eta 21ean jarri dute hitzordua, eta egun horietan zehar, hainbat hitzaldi, errezitaldi, antzezlan edota kontzertu izango dira herrian. Horretarako, hainbat artistaren bisita hartuko dute eatarrek: horien artean, esaterako, Patxo Telleria, Mikel Martinez, Josu Bergara, Rikardo Arregi, Castillo Suarez, Eñaut Elorrieta eta Lucien Etxezaharreta izango dira.
Gaur goizean egin dute aurtengo Poesia Egunen aurkezpena, Bilbon. Argazkilaria: Eako Poesia Egunak
Egun berean, jaialdirako propio sortutako ekitaldiak jarraituko dio; alegia,Mikel Antza idazleak espresuki Earako idatzitako Sumak Kawsay izeneko testua irakurriko dute Mikel Martinezek eta Iñaki Ziarrustak.
Gainera, Ainhoa Alberdik sortutako Zapatak ikuskizuna eskaintzeko, barrikiri berreskuratutako Urtubiaga burdinola eta bertara eroaten duen bidea baliatuko dituzte.
Musika emonaldientzako tartea be utziko dute datorren asteburuan; hala, egun bakoitzean kontzertu bana izango da: barikuan, Josu Bergara eta The Playful Ensemble ariko dira; zapatuan, Eñaut Elorrieta, eta domekan, ostera,kantaldia eskainiko du Eñaut Etxamendik.
Gaur bertan aurkeztu dute aurtengo egitaraua, Bilboko Cafe Bilbaon.EGITARAUA, EGUNEZ EGUN:
UZTAILAREN 19a (BARIKUA)
- Antzezlana: Euskeraren izen poetikoak (Gabriel Arestik 1967an Hernanin irakurritako hitzaldia) Patxo Telleria 19:30ean Udaletxean
- Irakurketa: Sumak kawsay Mikel Martinez eta Iñaki Ziarrusta Testua: Mikel Antza 20:15ean Udaletxean
- Kontzertua: Lapatzatik itsosure Josu Bergara eta The Playful Ensemble hari laukotea 23:00etan Eskolapen
- Hitzaldia: Artea gizartea aldatzeko tresna gisa: sormena eta talde-indartzea Fabiana Boer 10:30ean Udaletxean
- Hitza bidaide: Urrats galduen bidea Instalazioa: Idoia Beratarbide 13:00etan Burdinolarako bidean
- Antzezlana: Zapatak Ainhoa Alberdi Testua: Joxemari Carrere Musika: Jurdana Otxoa 13:20ean Burdinola aurrean
- Herri-bazkaria 15:15ean Bedaronan
- Poema errezitaldia: Idazleak irakurle Rikardo Arregi, Hedoi Etxarte eta Fabiana Boer Musika: Leandro Yaku 18:30ean Apikalen
- Poema errezitaldia: Urtebetetze festa Castillo Suarez Musika: Borja Estankona Irudiak: Ainara Lasa 22:30ean Eskolapen
- Kontzertua: Deserriko kantak Eñaut Elorrieta 23:15ean Eskolapen
- Hitzaldia: Poesia, mailu eta fereka Lucien Etxezaharreta 11:00etan Beletxen
- Kantaldia: Kantuaren poesia Eñaut Etxamendi 13:00etan Talaian
- Herri-bazkaria 15:15ean Natxituko bolatokian
- Poema errezitaldia: Elkartasun basatia Oier Guillan 17:30ean Ermintxo hotelaren atzeko belardian
