Elias Fernandez askatzeko eskatu dute Bermeon

Busturialdeko Hitza

Busturialdea

2013/06/24

Argazkilaria: Dabid Martinez

Elias Fernandez Castañares bermeotarra kartzelatu zutenetik 27 urte bete ziren joan den astean. Herriraren deialdiari jarraiki eta haren egoera salatzeko, kalean behar lukeela aldarrikatu zuten hainbat lagunek barikuan, Bermeon bertan. Goiko plazatik abiatuta, lehenbizi protesta egin zuten herriko kaleetan zehar, Elias 27 urte bahituta. Bizi arteko zigorrik ez lelopean. Ondoren, ekitaldi bat egin zuten Lameran. 1986ko ekainean atxilotu zuen Guardia Zibilak, Deustuan, eta orduztik Espainiako estatuko hainbat espetxetan izan dute kartzelatuta, besteak beste, Carabanchelen, Alcala Mecon, Herrera de la Manchan, Puerton, Tenerifen, Valdemoron, Castellonen, Langraitzen, Castellonen eta Villabonan. Kalean behar luke, 2004an bete baitzituelako zigorraren hiru laurdenak. 2011ko maiatzaren 27an ziren aske uztekoak, baina 197/2006 sententzia aplikatu, eta 2016. urtera arte luzatu zioten zigorra. Giltzapean urte gehien daroan Busturialdeko presoa da Fernandez. Gaur egun osasun arazo larriak dauzka.