Alde Zaharra hondamen-eremutzat jotzeko eskatu dio Bermeoko Udalak Espainiako Gobernuari

Busturialdeko Hitza

Busturialdea

2013/05/13

Indusmakinak beharrean, sutearen ondorengo egunetan

Modu horretan, gunea birgaitzeko diru laguntzak jaso ahalko lituzkete. Bermeoko alkate Idurre Bidegurenen esanetan, «laguntzak ez lirateke garrantzitsuak izango, baina ahal ditugun guztiak eskatzeko izapideak egingo ditugu». Carlos Urquijo Espainiako Gobernuko EAEko ordezkariarekin zenbait bilera izan ostean erabaki du Bermeoko Udalak eskaera formalizatzea, «harek posible ikusten baitzuen sutearen gunea hondamen-eremutzat jotzea». Aitorpen hori lortuz gero, udalak Espainiako Gobernuak emoten dituen laguntzetaz baliatu ahalko da. Sutea gertatu eta hilabetera, erakunde guztiek «batera lan egin behar dutela» nabarmendu du Bidegurenek, «erakundeen, etxebizitzen jabeen, banketxeen eta aseguru etxeen elkarlana beharrezkoa da hemendik atera ahal izateko, oraindik be asko dalako egiteko dagoen lana». Alkateak adierazi duenez, Nardiz Tar Jon kaleko «zero guneak denbora garrantzitsua beharko du normaltasunera bueltatzeko eta birgaitze lanak amaitzeko». Halanda be, epe hori «ahalik eta laburrena» izatea espero du alkateak. Ertzaintzak Bermeoko Alde Zaharreko sutea zelan piztu eta zabaldu zen ikertzen jarraitzen du. Alkatearen ustez, «oso garrantzitsua da gainera hori zehaztea, horrelakorik barriro gertatu ez dadin». Bizilagunei dagokienez, «gutxi gutxika horien zalantzak» argitzen doazela adierazi du Bidegurenek, baina «konponbide perfektuarekin emotea zaila» dela gaineratu du, «bakoitzak bere etxea izatea izango litzateke-eta konponbiderik onena».

Alde Zaharra hondamen-eremutzat jotzeko eskatu dio Bermeoko Udalak Espainiako Gobernuari

Bizkaia

Freedom Flotillak herritarren berotasuna jaso du Bilbon, Gazara abiatu baino lehen

«Erreparazio publikoa» eskatu du Agirre alkateak Getxoko jauregiaren auzirako

Epaileak artxibatu egin du Getxoko Irurak Bat jauregia eraisteagatik irekitako auzia

LHKren itzulpen zerbitzurik gabe egin dute Bizkaiko metalgintzako mahaiaren bilera

Plentziako Eskolako lau autobus zerbitzuetatik bi kenduko dituztela salatu dute gurasoek

Begoñako basilikaren 3Dko erreplika bat egin dute, indusketen emaitzak dokumentatzeko

Errealitatea «desitxuratzen saiatzea» egotzi diote Gernikako gaztetxeko kideek alkateari

Aurkitu dute joan den ortziraletik desagertua zen Barakaldoko gizona

Gernikako Udalak ohartarazi du gaztetxeko kideek ordaindu egin beharko dutela liburutegi berriko lanak atzeratuz gero

Ia 490.000 bisitari izan ditu Guggenheim museoak ekainetik abuztura bitartean

Bizkaiko metalgintzako mahaian hasiko da ELA lan itunak euskaraz negoziatzen

Iker Casanova proposatu du EH Bilduk Bizkaiko ahaldungai nagusi izateko

Barakaldon desagertutako 77 urteko gizon baten bila ari dira