Igoera lortuta, liga irabaztea da Gernika Sportingen helburua

Busturialdeko Hitza

Busturialdea

2013/04/18

Jokalariak igoera ospatzen

Joan den asteburuan, Gernika Sportingen nagusien taldeak mailaz igotzea lortu zuen. Bertokoek hiru jardunaldiren faltan lortu dute Lurraldeko Lehen Mailara igotzea, baina gehiago gura dute. Igoera lortuta, “liga irabaztea” da taldekideen helburua, Unai Narbarte entrenatzaileak jakinarazi duenez. Haren berbetan, Bigarren Mailako garaikurra irabazi gura dute, baina, horretarako lehen postuan sailkatu behar dira bigarren multzoan. Igoera lortzeko gakoa jokalariak izan dira. Entrenatzailearen berbetan, “maila handiko futbolariak ditugu, eta lagun multzo ona egin dugu”. Hala, pozarren azaldu da orain arte egindako lanagaz. Liga lehen postuan amaitzeko bidean, gernikarrek partida garrantzitsua jokatuko dute asteburuan, Bermeo Bren kontra. Gernika Sportingek irabazita eta Busturia bigarren sailkatuak galduta, gernikarrek ziurtatuta izango lukete lehen postua. Domekan jokatuko dute Itxasganen, 17:00etatik aurrera. Gernikarrek garaipena lortzea, halanda be, ez da erraza izango, Bermeok be asko baitu jokoan. Bermeotarrak hirugarren sailkatuak dira, eta liga postu horretan amaituz gero, igoera play-offa jokatuko lukete. Busturia asteuruan igo daiteke mailaz Busturia be, denboraldi edarra egiten dabil, eta mailaz igotzeko aukera izango du asteburuan. Zapatuan Galea laugarren sailkatuari irabaziz gero, Busturiko taldeak matematikoki ziurtatuko luke igoera. Itxas-Adarren jokatuko dute norgehiagoka erabakiorra, 18:00etatik aurrera.

Igoera lortuta, liga irabaztea da Gernika Sportingen helburua

Bizkaia

Gizon bat atxilotu dute Getxon, motozerra batekin pertsona batzuei jazartzeagatik

Sarrera bateratua eskainiko dute Bilboko Guggenheimek eta Arte Ederren Museoak, lankidetza zabalago bati begirako lehen urrats gisa

EH Bilduk Maria del Rio proposatu du Bilboko alkategaia izateko

Bizkaiak oso-osorik eutsi dio bere zerga erreformari, neurririk polemikoenak barne

Bilbok ondare babesa emango dio Zabalguneari proiektuaren 150. urteurrenean

Adingabeen zentroak «tentsiopean» daudela eta, Bizkaiak salbuespen egoera izendatu du berriro

Garraio publikoaren erabilerak %9 egin zuen gora iaz Bilbon

Juanjo Menak bertan behera utzi ditu Bilbon ematekoak zituen agur kontzertuak, alzheimerraren ondorioz

Diviparen Derioko lantokia itxi nahi dutela salatu du ELAk

Gizon bat espetxeratu dute, ustez hiru emakumeri sexu erasoak egiteagatik Gorlizen

Berriro ere itsasoratu da ‘Kate’, Vigo helmuga

Paperezko 21 soineko lehiatuko dira zapatuan Gueñesen

Teresa Laespada hautatu dute PSE-EEren Bizkaiko ahaldungai nagusi izateko