Uraren Mundu Mailako Eguna ospatzeko hainbat ekintza egingo dituzte
Busturiko Euskadiko Biodibertsitate Zentroak –Madariaga Dorretxeak– hainbat ekintza antolatu ditu, Uraren Mundu Mailako eguna ospatzeko: esaterako, tailerrak, irteerak, bisita gidatuak…
Egun horren harira, gainera, kostalde garbiketak egingo dituzte zapatuan, Mundakan eta domekan, Busturin. Mundakako itsasertz garbiketan parte hartu gura duenak 09:00etan portuan egon beharko du, eta Busturikoan parte hartzeko, ostera, San Kristobak auzoko hareatzan, 10:00etan.
Barikua
20:00etatik 23:00etara. GastroDibertsitate Gelak: Uraren garrantzia. Hitzaldia Javier Francoren eskutik.
Zapatua
10:00etatik 12:00etara. Bioindikatzaileak erabiliz, ibai eta itsasadarreko uraren kalitatea neurtzeko irteera gidatua.
10:00etatik 13:00etara. Barbadun eta Kadagua ibai-arroak eta Pobaleko Burdinolaren funtzionamendua ezagutzeko irteera gidatua.
11:30etik 13:00etara. Umeentzako ur tanten murala uraren garrantzia ulertzeko.
17:00etatik 18:30era. Ur-suziri tailerra.
17:30etik 18:30era. Izaki bizidunentzat urak duen garrantzia ulertzeko bisita gidatua zentroko erakusketetan zehar.
20:30etik 21:30era. Lurraren ordua. Zentroko argiak itzaliko dira ordu betez.
Domeka
10:00etatik 12:00etara. Busturiko hareatzen garbiketa.
12:00etatik 13:30era. Ura eta Biodibertsitatearen dadoa jolasa egiteko tailerra.
13:00etatik 14:00etara. Kostaldea eta Mundakako itsasadarretik zehar, irteera gidatua.
16:00etatik 18:00etara. Plastikozko botilak erabilita egindako lorategia.
17:00etatik 18:30era. Zetazeoen inguruko tailer familiarra
17:30etik 18:30era. Izaki bizidunentzat urak duen garrantzia ulertzeko bisita gidatua zentroko erakusketetan zehar.
