Murueta 640 kiloko sokatira txapelketaren finalean sartu da

Busturialdeko Hitza

Busturialdea

2013/01/28

Muruetarrak Idiazabalgo saioaren momentu baten

Muruetako sokatira taldeak 640 kiloko Euskal Herriko txapelketaren finala jokatuko du, joan de zapatuan Idiazabalgo (Gipuzkoa) bigarren saioan laugarren postuan sailkatu ostean. Muruetagaz batera, Abadiño, Ibarra (Gipuzkoa), Ñapurrak (Lapurdi), Zuraide (Lapurdi) eta Berriozar (Nafarroa) lehiatuko dira, Durangoko finalean. Hain zuzen, otsailaren 9an neurtuko dituzte indarrak Ezkurdi Jai Alai pilotalekuan. Javier Ondarza Muruetako alkatearen berbetan, “maila handiko taldeek” jokatuko dute finala, eta horrenbestez, bosgarren postuan sailkatzeagaz konformatzen dira bertokoak. Ezustekorik ezean Murueta eta Berriozar bosgarren postuagatik borrokatuko direla deritzo alkateak. Halanda be, muruetarrek ez dute etsiko, eta laugarren postuan sailkatzeko ahalegina egingo dute. Izan be, Zuraideri tiraldiren bat irabazteko aukera dutela uste du Ondarzak. Mungiako lehen saioko eta Idiazabalgo bigarren saioko puntuaketak batuz gero, muruetarrek bosgarren postuan amaitu dute kanporaketa fasea. Mungian seigarren sailkatu ziren, eta Idiazabalen laugarren. Lehenengo jardunaldiko hutsegiteetatik ikasi ostean, Muruetak maila hobea emon zuen bigarren saioan, finalerako txartela eskuratuz. Aurten lehenengo biderrez parte hartu dute muruetarrek Euskal Herriko txapelketetan. 680 kilokoan laugarren sailkatu ziren, eta 640 kilokoan marka bardintzeko aukera izango dute.

Murueta 640 kiloko sokatira txapelketaren finalean sartu da

Bizkaia

Jauzi Ekosozialak uste du Loiuko aireportuan bidaiari gehiago egoteak ondorio kaltegarriak izan ditzakeela

Animalien sufrimendurik gabeko jaiak eskatu dituzte Algortako Portu Zaharrean

Goitibeherak eta musika Gernikan

Kaleko saltzaileek Bilboko Udalari exijitu diote udaltzainen eraso «arrazistak» ikertzeko eta halakoak amaiarazteko

Bi egun jazzaren erritmoan

Getxoko Sokamuturra Ez taldea kalera irtengo da etzi, animalien jaietako sufrimendua gaitzesteko

San Rokeko txinpartaren zain

Gernikako Udalak abuztuaren 23rako gaztetxea husteko eskatu du, lege prozedurarik hasi barik

Justizia Anderrentzat plataformak salatu du oraindik badaudela «erantzule diren polizia eta arduradun politikoak»

Euskal artista gazteen saretzea bistaratu du ‘Ertibil Bizkaia’ erakusketak Bilbon