Barandika eta Martinez: "Langileria kriminalizatzen saiatu dira, baina agerian utzi dugu fartsa bat zela"

Busturialdeko Hitza

Busturialdea

2013/01/16

Barandika eta Martinez

ELKARRIZKETAREN AURRERAPENA. BIHAR OSORIK EGUNKARIAN. Aitziber Barandika (1975; Gernika-Lumo) eta Aitor Martinez (1985; Arratzu) 2011ko urtarrilaren 27ko greba orokorraren harira auzipetu zituzten, beste hamasei lagunekin batera. Pikete talde baten joateagatik auzipetu zituzten, eta fiskaltzak ia lau urteko kartzela zigorra eta 6.000 euroko isuna eskatu zuen, auzipetu bakoitzarentzat. Urtarrilaren 10ean epaitu zituzten, eta herenegun absolbitu zituzten Busturialdeko hemezortzi bizilagunak. Piketea osatu zuten guztien izenean, “pozarren” azaldu dira Barandika eta Martinez. Eskualdeko herritarren babes erakustaldiak eskertu dituzte. Ia bi urte pasa dira auzipetu zintuztenetik. Pozik epaiarekin? Barandika: Pozik gaude epaiarekin, baina poztasuna ez da erabatekoa. Gai honen atzean egon den guztia hartu behar dugu kontuan, ia bi urte egin baititugu fartsa honen menpe. Zigor eskaeragaz zer gertatu behar zen jakin barik egon zarete. Zelan sentitu zarete? Martinez: Akusazio kolektibo bat izatea, eta ez akusazio partikular bat, pisu handia kendu digu gainetik. Denbora tarte honetan, halanda be, danetarik sentitu dugu: urduritasuna, lasaitasuna, ezjakintasuna… Zein izan da prozesuak izan duen ondoriorik txarrena? Barandika: Langileen eskubideen kontrako salaketa inpunitate osoz erabili ahal izatea da okerrana. Salaketa zehatz barik hemezortzi lagun auzipetzea ez da bidezkoa. Inoiz ez digute jakinarazi zein izan den gure delitua. Legearen irakurketa jakin bat eginez, pertsona talde bat motibo barik auzipetzeko aukera izan du fiskaltzak. Hala, bi urte egin ditugu kartzelara zergatik joan gaitezken jakin barik, eta leporatzen digutena jakin barik. Kalera ateratzeko eskubidea mugatu gura izan dute epaiketagaz. Zergatik sortu du hainbesteko iskanbila zuen kasuak? Barandika: Oso argi geratu da atzean interes politikoak zeudela. Lehen falta bat zena, delitu bihurtu dute orain. Euskal Herriko politika arloan be askotan gertatu da bardina. Kalera irtetzeko arrazoi sendoak ditugunean, sistemak salto kualitatibo bat emoten du, interes politikoen mesedetan. Zorritxarrez, gainera, ez da azken erasoa izango. […]

Barandika eta Martinez: "Langileria kriminalizatzen saiatu dira, baina agerian utzi dugu fartsa bat zela"

Bizkaia

Garbi Losada antzerki zuzendari eta aktorea hil da, 67 urterekin

Lekeitioko Euskal Zine Bilera: euskarazko zinemari eskainitako ia mende erdi bat

Pentsiodunek greba orokorrera eta bozkatzera deitu dute, «lortutako eskubideetan atzera ez egiteko»

Jagoba Arrasate Osasunara itzuli da

Baso suteen sasoia hasi berri, Bizkaiko Diputazioak ardura eskatu die herritarrei

Emakume bat eta haren adin txikiko semea etxegabetu dituzte Leioan

72 artelan batu dituzte Rafael Ruiz Balerdiren bilakaera artistikoa ezagutarazteko

Bilboko euripean kantari: ‘Arriagaren aterkia’ estreinatuko dute urriaren 17an

Etxanobe «ezustean» harrapatu du Bengoetxearen izendapenak, eta Estebanek ez zuen haren berri

Sestaon etxegabetu zuten emakumea eta haren seme txikia ez dira kalean geldituko larunbatean

Steve McQueenek estimuluak amatatu ditu Guggenheimen, Nina Simoneren eta David Bowieren ahotsak batzeko

EAJk Ibone Bengoetxea proposatu du Bizkaiko ahaldungai nagusi izateko

Bizkaian karabela portugesen ziztadengatik artatutako bainulariak iaz halako zortzi izan dira

Jarduerari eutsi arren, Bizkaiko enpresariak kezkatuta daude irabazi tarteak estutu direlako