Busturialdean Lan eta Bizik helegite barriak aurkeztu ditu LZParen kontra
Busturialdea Lan eta Bizi plataformak, Lurralde Zatikako Planaren kontrako helegite barriak aurkeztu zituen atzo, Gernika-Lumon. Helegegiteak aurkezteko epea gaur amaitu da, eta horrenbestez, Plataformako kideak azken unera arte egon dira LZPa aztertzen. Lan eta Bizitik jakinarazi dutenez, Bizkaiko Foru Aldundiaren LZPak “hainbat akats” ditu, eta horregatik, “plana berta behera uztea” eskatu dute. Plan zaharkitua alboratzeaz gain, bestalde, “prozesu parte hartzaile barri bat zabaltzea” eskatu dute.
Plataformako kideek azaldu dutenez, “LZPa inposatu gura du Aldundiak, bertoko herritarrak eta eragileak kontuan hartu barik”. Lurralde Zatikako Planak datozen hamasei urteetako lan ildoak zehazten dituela argudiatuta, herritarren parte hartzea ezinbestekoa dela deritzote. Izan be, planak Bizkaian “bizi diren eta biziko diren pretsonei” eragingo baitie etorkizunean.
Demokraziaren oinarria parte hartzea dela eta, Alndundiak jarrrera okerra izan duela uste dute plataformakoek, plana egiten hasi zenetik “parte hartzea oztopatu” baitu.
