“Gogotsu” ariko da beste behin be Urdaibai
2012. denboraldiari aurre egingo dion Urdaibai aurkeztu dute gaur eguerdian. Urtero egin legez, Eneperi jatetxean egin dute agerraldia. Juan Mari Etxaberen eskuetara lan egingo dute aurten taldeko arraunlariek. Agerraldian esan legez, «gogots...
2012. denboraldiari aurre egingo dion Urdaibai aurkeztu dute gaur eguerdian. Urtero egin legez, Eneperi jatetxean egin dute agerraldia. Juan Mari Etxaberen eskuetara lan egingo dute aurten taldeko arraunlariek. Agerraldian esan legez, «gogotsu» egingo diote aurre denboraldiari, eta iazko marka «berdinak edo hobeak» lortzea espero dituztela azaldu dute. Idurre Bideguren Bermeoko alkateak «beren jokora begiratzeko» gomendioa egin die arraunlariei, «besteena kontuan izan barik». 
Josu Zabalondo taldeko presidenteak, bestalde, laguntza emon dioten guztiei eskerrak emoteko tartea izan du, «horiek barik gu ez ginateke hemen izango». Gauzak, diru aldetik, «gogor» daudela gogorarazi du, gainera, eta laguntza eskatzeko unea be hartu du Zabalondok. Atunontzien jabeei dei egin die, «momentu ona izaten ari dira, arrantzan daude. Ziurrenik ez dute dirua soberan izango baina esfortzu apur bat egitea eskatuko nioke. Pena bat izango litzateke aurtengo denboraldia azkena izatea edo denboraldi erdian utzi beharra izatea diru faltagatik» . Etxabe entrenatzaileak, bestalde, taldeak duen maila «ona» nabarmendu du. Diru aldetik krisia dagoen arren, «esfortzuarekin» kirol aldetik horri «buelta emoten saiatuko» direla esan du.
