Giltzatakoak egiteko tailerra antolatu du Berbalagunek barikurako
Bermeoko Berbalagun egitasmoko kideek bitxigintza ikastaroa antolatu dute datorren barikurako. Oraingoan, parte hartzen dutenek, hain zuzen be, giltzatakoak egiten ikasteko aukera izango dutela jakinarazi dute. Barikuan izango da ikastaroa eta 18:30...
Bermeoko Berbalagun egitasmoko kideek bitxigintza ikastaroa antolatu dute datorren barikurako. Oraingoan, parte hartzen dutenek, hain zuzen be, giltzatakoak egiten ikasteko aukera izango dutela jakinarazi dute.
Barikuan izango da ikastaroa eta 18:30ean ipini dute hitzordua. Gizarte eta Kultura Etxean izango dela zehaztu dute. Beraz, beheko solairuan bilduko direla azaldu dute ondoren, denak alkarregaz gorantza egiteko.
Bihar arte emon daiteke izena
Berbalagunek antolatu duen bitxigintxa ikastaroan parte hartu gura duten horiek 609-462 018 edo 688-651 491 telefono zenbakietara deitu beharko dute izena emoteko, eta bihar dute horretarako azken eguna.
Edozein herritarrek parte har dezakela esan dute baina plazak mugatuak dira. Gehienez, hamabost edo hogei lagun izan daitezke.
Euskara ikasten dauden horiei dei «berezia» egiten die, antolatzaileen esanetan, «aukera ezin hobea izango dutelako ikasten ari diren guztia praktikan ipintzeko».
