Santboiana hartuko du Bizkaia Gernikak domekan
U. E. Santboiana taldea izango du aurkari asteburuan Bizkaia Gernika Rugby taldeak. Partida garrantzitsua da domekakoa, basurdeek jokoan baitute podium postuetan sartzeko aukera. Gaur gaurkoz 51 puntu dituzte Jorge Gimenez Txantxa-ren mutilek, eta hiru...
U. E. Santboiana taldea izango du aurkari asteburuan Bizkaia Gernika Rugby taldeak. Partida garrantzitsua da domekakoa, basurdeek jokoan baitute podium postuetan sartzeko aukera.
Gaur gaurkoz 51 puntu dituzte Jorge Gimenez Txantxa-ren mutilek, eta hirugarren sailkatuak, Cetransa El Salvadorrek, 56 dauzka. Tarte txikia dago, beraz, hirugarren eta laugarrenaren artean. Goragoko postuak, ostera, urrunago dituzte basurdeek, La Vilak eta AMPO Ordiziak 64 eta 61 puntu baitituzte, hurrenez hurren.
Sant Boi de Llobregateko (Herrialde katalanak) taldea, bestalde, zortzigarren dago Ohorezko mailako sailkapenean.
Partida 12:00etan izango da, Urbietako zelaian.
