Pirritx, Porrotx eta Marimototsen Ongi etorri Pupu eta Lore ikuskizuna ikustera hurbildu gura duten horiek astelehenetik aurrera izango dituzte salgai sarrerak. Gabonetako programazioaren baitan, Bermeoko Udaleko Kultura, Gazteria eta Hezkuntza sailak...
Pirritx, Porrotx eta Marimototsen Ongi etorri Pupu eta Lore ikuskizuna ikustera hurbildu gura duten horiek astelehenetik aurrera izango dituzte salgai sarrerak.
Gabonetako programazioaren baitan, Bermeoko Udaleko Kultura, Gazteria eta Hezkuntza sailak beste behin ere antolatu du Pirritx, Porrotx eta Marimototsen ikuskizuna. Aurten ere, bi saio izango dira abenduaren 28an, martitzenean, lehenengoa 16:00etan eta bigarrena 18:30ean.
Sarrerak, hala ere, aurretiaz erosi beharko dira Artza frontoiko leihatilan astelehenetik aurrera, agortu arte. Astegunetan 18:00etatik 20:00etara izango da zabalik eta zapatuan 12:00etatik 14:00etara.
4 euro umeentzako
Umeek lau euro ordaindu beharko dituzte, nagusiek, barriz, hamar. Bakoitzak, gehienez, bost sarrera erosi ditzake eta horietatik, asko jota, bi izan daitezke nagusientzako.
