Gernika-Lumoko jaietako kartel irabazlea iragarri dute
Javier Etayo 'Tasio' diseinatzaile grafikoaren 'Alaitasuna' kartela izan da saritua, Gernika-Lumoko Kultur Etxeak eta Jai Batzordeak antolatutako lehiaketan.
Argazkia: Gernika-Lumoko Udala. Gernika-Lumoko jaietako kartelak badu irabazlea, udalak jakinarazi duenez. Tasio izenez ezaguna den Javier Etayo diseinatzaile grafikoak irabazi du Kultur Etxeak eta herriko Jai Batzordeak deitutako lehiaketa, hain zuzen. Hamar proposamenen artean aukeratu dute bere lana, Alaitasuna izenburupean, eta 500 euroko saria jasoko du. Abuztuan ospatuko diren jaietako giro alai eta parte-hartzailea transmititzea du helburu kartelak, esan dutenez. Nabarmendu dute, gainera, epaimahaiak bereziki baloratu duela tokiko nortasunarekin konektatzeko gaitasuna, topiko bisualetara jo gabe.
