Hamazazpigarren jubilatuen bazkaria, heltzear
Jai Alai frontoia izango da herriko jubilatuen herri bazkariaren hamazazpigarren aldiaren testigu. Mila pertsona inguru bertaratzea espero duten heinean, sarrerak 3 eurotan eros daitezkela aurreratu dute.
Zapatuan, maiatzaren 24an, 14:30etik aurrera, Jai Alai frontoiak herriko jubilatuei zuzendutako herri-bazkaria hartuko du, ohi modura. Gernika-Lumoko Udalak antolatutako ekitaldiak hamazazpigarren edizioa du aurtengoa, jakinarazi dutenez. Bazkaria “tokiko egutegiko hitzordu sozial nabarmenetako bat” bihurtu dela ere gaineratu dute foru herriko udal gobernutik.
“Mila pertsona inguru” bertaratzea espero dute, halaber. Izan ere, azken urteetan horrela izan dela adierazi dute. Sarrerek 3 euroko prezio sinbolikoa dute eta Pasealekuko Hirugarren Adinekoen Zentroan, San Kristobal plazan (San Kristobal plaza), Twente (Errenteria), Auzokoa eta Santanape tabernetan eros daitezke. Hamazazpigarren topaketa horren bidez, Udalak erretiratutako biztanleentzat “bizikidetzarako eta errekonozimendurako espazio bat” eskaini nahi du, “udalerriaren garapenean funtsezko parte izan diren belaunaldien arteko topaketa sustatuz”. Gastronomia, gertutasuna eta memoria partekatua uztartuko ditu hitzorduak, “urtez urte izaera herrikoia indartzen duen jai giroan”.
