Gernika BHIn Heziketa zikloetako AURREMATRIKULA ZABALIK!
IES Gernika BHI institutuan Lanbide Heziketako bi ziklo eskaintzen dira: Mendekotasun egoeran dauden pertsonentzako Arretarako Teknikaria (Erdi mailako zikloa) eta Haur Hezkuntzako Goi-mailako Teknikaria (Goi mailako zikloa).
Kalitatezko ZAINTZA eskainiko duten profesionalak formatzen ditugu. Alde batetik, Haur Eskoletan umeak hezteko gaur egungo eredu pedagogikoak landuz eta zaintza egokia eskaintzeko beharrezko estrategiak jarriz ikasleen eskura. Bestetik, gero eta zaharragoa den biztanleriaren eta, orokorrean, Mendekotasun egoeran dauden pertsonen zaintzari ahalik eta erantzun egokiena emateko bideak jorratuz ikasleekin.
Umeen zein mendekotasun egoeran dauden pertsonen zaintzan gizatasuna eta pertsonaren duintasuna bermatuko dituzten langileak prestatzea da gure helburua. Europako zein bertoko haur eskola zein nagusien egoitzetan eta eguneko zentroetan aurki ditzakegun eredu iraultzaileetan jarrita ditugu begiak.
Haur Hezkuntzan, «Pikler» eta «Reggio Emilia» eskolek eskaintzen dituzten ereduak ezagutuko dituzte, bertan formazioa jasotako irakasleen eskutik. Mendekotasunaren Arretaren kasuan, “Zaintza Egokia. Tratu duinak” deritzon eredu iraultzailean formakuntza jasotakoak dira irakasleak.
ERASMUS+ proiektuari esker, urtero ikasleek zein irakasleek Europan (Italia, Bulgaria, Portugal, Dublin…) dauden zentro eta eredu desberdinak ezagutzeko aukera daukate. Honeri esker, ikasleek ziklo bukaerako praktikak Europako herri batean burutzeko aukera dute eta irakasleek, berriz, euren formakuntzan sakondu eta eguneratzekoa.
2000 orduko Zikloak dira, goizeko ordutegian, presentziala eta euskaraz. Gehienez 25 ikasleko taldeak dira.
Lanbide Heziketa Dual Orokorra dugu eta ikasleek 1. zein 2. mailetan egingo dituzte praktikak.
Aurrematrikula egiteko epea: maiatzaren 5tik 23ra (ezinbestekoa matrikulatu ahal izateko).
