I. Emakume Landa Azoka, asteburuan
Nekazal azoka berezi askoa egingo dute datorren zapatuan [urriak 19], Mundakako plazan: I. Emakume Landa Azoka. 11:00etan ipiniko dute abian azokagunea, eta 15:00rak bitartean zabalik egongo da. Bertan, denetariko produktuak topatuko dituzte hurreratzen direnek: batetik, Amatxo Gaztandegiaren gaztak nahiz esnekiak; bestetik, produktu naturalen postua; horiez gain, arrautza zein ogi ekologikoena. Jakiez harago, bestelako artisautza ereduak ere egongo dira, baita umeentzako tailerrak ere. Modu horretan, gaztetxoeneko azokan topatzen dituzten produktuetako zenbait zelan ekoizten diren ikasi ahalko dute. Mundakako udal gobernu taldetik adierazi dutenaren arabera, azokaren estreinako ekitaldiagaz emakumezkoek landa munduan eduki izan duten garrantzia “goraipatzea eta kaleratzea” bilatuko dute.
