Lurgaia Fundazioak beste landaketa bat egingo du Mendatan
Olaben berreskuratzen ari diren lursail bat zaharberritzen jarraituko dutela aurreratu dute. Izena eman beharra dago parte hartzeko.
Lurgaia Fundazioak landaketa egingo du etzi, 09:30ean, Mendatan. Olaben berreskuratzen ari diren lursail bat zaharberritzen jarraituko dutela aurreratu dute. Hain zuzen ere, Eleizalde auzoan jarri dute hitzordua eta landaketa gunera hurbilduko dira ahalik eta auto gutxienetan. “Ahalik eta gehien aprobetxatu behar ditugu martxoko egun hauek udaberria iritsi aurretik landatzeko”, adierazi dute Lurgaia Fundazioko arduradunek.
Parte hartu nahi dutenek webgunean eman behar dute izena eta gaur [martxoak 8] goizean amaitzen da epea. Baieztapenari itxarotea eskatu dute eta ezin joatekotan abisatzeko ere bai. “Goiz atsegina igaro nahi baduzu gure basoen etor- kizunaren alde lanean, zure zain egongo gara”.
Parte hartzen dutenentzako zenbat gomendio zabaldu dituzte: praka luzeak, mendiko eta uretako botak eramatea, eta , euria egiten badu, uretako arropa. Lurgaia Fundazioa irabazi asmorik gabeko erakunde da, eta biodibertsitatea kontserbatzen eta natura ondarea kudeatzen laguntzea du helburu: espezieak, habitatak, lotutako prozesu ekologikoak eta paisaia.
