Berbalagunen neguko lehiaketa, martxan
Otsailaren 23ra arte parte hartu ahal izango da. Irabazleak Bermeoko produktuen sorta bat jasoko du sari legez.
Martxan dago Bermeoko Berbalagun egitasmoak antolatutako neguko lehiaketa, eta otsailaren 23ra arte parte hartu ahal izango da.
Urtero legez, Berbalagun aldizkarian zein sare sozialetan, edo Bermeon zer? kultur agendan argitaratu dituzte lehiaketako galderak. Antolatzailearen blogean ere galdetegirako esteka zuzena aurkitu dezakete interesatuek.
Galderak erantzun ostean, orriari argazkia atera eta WhatssApp bidez 607 60 95 80 telefono zenbakira, edo bermeoberba@gmail.com helbide elektronikora bidali daiteke. Beste aukera bat ere badago: galdetegia bete eta hartu den leku berean uztea (Gizarte eta Kultura Etxea, liburutegia, euskaltegia…).
Jasotako erantzun guztien artean Bermeoko produktuekin osatutako otzara zozkatuko dute. Irabazlearen izen-abizenak eta galderen erantzun zuzenak Bermeoko Berbalagunen eta egitasmoaren sustatzaileen sare sozialetan jakinaraziko dituztela iragarri dute antolatzaileek.
