Rap doinuz bustiko da Astra bihar
All in da house Freestyle Txapelketa lehiatuko dute bihar [azaroak 17] sei rap abeslarik Gernika-Lumoko Astran, 19:00etan.
Lil Zikuta izango da txapelketako parte hartzaileetako bat. Argazkia: Aimar Iparragirre Zinkunegi. Azaroaren 4an Bainonako Zizpa Gaztetxean lehenengo kanporaketa jokatu ostean, Gasteizko Gaztetxeak antolatzen duen All in da house Freestyle Txapelketa ospatuko da bihar [azaroak 17] Gernika-Lumoko Astran, 19:00etan, preso eta errefuxiatuak etxean eduki nahi dituztela aldarrikatzeko asmoz.
19:00etan egingo duten pintxadaren ostean, 20:00etan gaueko hitzordu garrantzitsuena helduko da. Norgehiagoka arituko dira rapa abestuz Lil Zikuta, Raperu, Gezu, Ekaitz, Lasa eta Pastor. Aurkezle lanetan berriz, Sistah C arituko da, eta DJa Akaba izango da.
Hurrengoak. Biharko [azaroak 17] Gernika-Lumoko kanporaketaren ostean, Arrasateko Gaztetxean jokatuko dute hurrengo kanporaketa, azaroaren 24an, 22:00etan. Bertan arituko dira Jaio, Papaya, Muxker, Aissa, Markel eta Izar rap abeslariak, Endika La Haineren gidaritzapean eta Dj Kanakyren musikagaz.
