Asteburuan martxan hasiko dira Bekoportale, Ludoteka eta Gaztelekua
Ludoteka eta Gaztelekua zerbitzuak bariku eta zapatuetan zabalik egongo dira. Bekoportale, berriz, martitzenetik barikura bitartean eta zapatu goizez zabalduko dute.
Udako oporraldiaren ostean, asteburuan martxan hasiko dira berriro ere herriko ume eta gazteei zuzendutako Bekoportale, Ludoteka eta Gaztelekua zerbitzuak.
Ludoteka bariku eta zapatuetan egongo da zabalik, 17:30etik 20:30era, hain zuzen ere. Zerbitzu hau 6 eta 11 urte bitarteko umeei zuzenduta dago. Gaztelekua, berriz, 12 urtetik aurrerako gazte eta nerabeei zuzendutako zerbitzua da, eta Ludoteka modura, bariku eta zapatuetan zabalik egongo da, 18:00etatik 22:00etara.
Herriko txikienentzako zerbitzua da Bekoportale, hain zuzen ere, 0 eta 5 urteko umeei zuzendutakoa da. Bekoportale martitzenetik barikura bitartean zabalik dago, 17:00etatik 19:00etara; zapatuetan, berriz, goizez izango ditu ateak zabalik, 11:00etatik 14:00etara. Bertan umeek, jolas librea, psikomotrizitatea lantzea, eskulanak, esperimentazio jolasak… egiteko aukera daukate.
