Mundakako Udalak Euskal Herriko Itsasertz Mugapeari lotutako azpiegituren mantentze lanak amaitu ditu
Horrez gain, udalak herriko hainbat hirigintza proiektu eta obren azalpena emateko hitzaldi informatiboa emango du.
Udalak duela gutxi hasi berri zituen Txorrokopuntako zubiaren atzean dauden eskailerak eraberritzeko eta hobetzeko lanak. Udal ordezkariek azaldu dutenez, itsasora sarrera duten eskailera hauen hobetze lanak “azkenaldian erakusten zuten kontserbazio-egoera eskasarengatik” eraman dituzte aurrera. Mundakako Udalak azpimarratu nahi du eremua bera Euskal Herriko Itsasertz Mugapeari dagokion arren, “egokitzeko eta mantentzeko kudeaketa oro udalari bakarrik dagokiola”.
Argazkia: Mundakako Udala
Deialdia. Mundakako Udalak herriko hainbat hirigintza proiektu eta obren azalpena emateko hitzaldi informatiboa emango du eguenean [abuztuak 31] 19:00etan Gaztelekuan.Herritarrei parte hartzeko deia luzatu diete. Hurrengokoak izango dira landuko dituzten gaiak:
- Mediku kontsultategia.
- Haurreskola.
- Parterren espazio desberdinak: Erreka, Alkate Mallona eta Txokopunta.
- Lamien eta Atorren hirigintza proiektua.
- Errekako etxebizitzak.
- Hainbat gai ezberdin.
