Udaberriko lehiaketa, Saioa Bilbaorentzat
123 pertsonek parte hartu dute Berbalagun egitasmoak antolatutako udaberriko lehiaketan, eta denen parte hartzea eskertu dute.
Saioa Bilbao sariagaz. Argazkia: Bermeoko Berbalagun. Bermeoko Berbalagun egitasmoak udaberriko lehiaketako saria zozkatu du. Parte hartzaile guztien artean, Saioa Bilbao izan da irabazlea. Bilbao gazteak Bermeoko produktuen sorta eta Praktikatu oparitxoak jaso ditu sari legez.
Jakitera eman dutenez, 123 pertsonek parte hartu dute udaberriko lehiaketan, eta denen parte hartzea eskertu dute. Lehiaketako erantzun zuzenak zeintzuk izan diren jakin gura dutenek, Bermeoko Berbalagunen blogean ikusi ditzakete. Hurrengo lehiaketa udazkenean egingo dutela aurreratu dute antolatzaileek.
Uda aurreko topaketa. Bestetik, urtero egin modura uda aurreko topaketa egingo du Berbalagun egitasmoak. Ekainaren 9rako jarri dute hitzordua, 14:00etan batuko dira Lameran. Aipatu dute “ezinbestekoa” dela izena ematea, “erreserba konfirmatzeko”. Bazkaltzera heltzen ez diren horiek, bazkalostera edo arratsaldeko kafera bertaratu daitezkeela diote. Izena eman gura dutenek 607 60 95 80 telefono zenbakira deitu edo mezu bat bidali dezakete; ekainaren 6a da azken eguna.
Astero batzen diren taldeen hitzorduak ekainean amaitzen badira ere, uztailean eta abuztuan ere udako berbalagun taldean parte hartzeko aukera edukiko dute gura duten horiek guztiek.
