Asteburu bete ekintza, Muxikan eta Sukarrietan
Maietz Pazkoak ospatzeko egitarau zabalak prestatu dituzte Busturialdeko bi herrietan. Arratzun hurrengo asteburura atzeratu dituzte jaiak.
Maietz Pazko jaiak Muxikan, iaz Maietz Pazkoen txanda iritsi da, eta horiek ospatuko dituzte asteburuan Muxikan eta Sukarrietan. Herri txikietan ere jai handiak ospatzen dira, eta horretarako, egitarau zabalak prestatu dituzte bi herrietan.
Muxikan, Elizalden ospatzen ziren Maietz Pazko jaiak berreskuratu zituzten iaz, ia 30 urte eta gero, eta aurten horiekin jarraituko dute. 20:00etan txupina botata hasiko dituzte jaiak barikuan [maiatzak 26], eta, ostean, bakailo jana edukiko dute. Gauean kontzertua egongo dira: El exterminio de la raza del mono, Dupla eta Zazpizar erromeria. Ostean Dj Gorriontxu eta Laztana ariko dira.
Zapatua lasaiagoa izango da muxikarrentzat, mus eta briska txapelketan parte hartzeko aukera edukiko dute, eta Obieta aita-semeek jarriko dute doinua. Domekan, berriz, mezaren ostean, Baso txoritxu dantza taldeak dantzaz beteko du plaza, eta ostean, balkoitik balkoira bertsotan ariko dira Onintza Enbeita eta Maialen Lujanbio.
Umeentzako puzgarriak Sukarrietan, iaz
Ume zein nagusientzako jarduerak prestatu dituzte Sukarrietan jaiak ospatzeko. Zapatuan txupina jaurti eta gero, Sukarrietako Kantaguneak girotuko du herria eta umeek jolasean aritzeko aukera edukiko dute parkean, sardina jana egin aurretik. Mus txapelketa zein haurrentzako txokolatada izango dira arratsaldean, eta dantzarako tartea ere hartuko dute Xaiborrek jarritako musikagaz.
Domekan, berriz, sukalkiak prestatzen ibiliko dira. Arratsaldean, ohiko pilota partiduak jokatuko dituzte frontoian.
Arratzun ere Maietz Pazko jaiak ospatzen dituzte, eta asteburu honetan egitekoak baziren ere, hurrengora atzeratzea erabaki dute; hala, ekainaren 2an, 3an eta 4an ospatuko dituzte jaiak.
EGITARAUA HERRIZ HERRI:
- Muxika:
- Maiatzak 26, barikua.
- 20:00. Txupina.
- 20:30. Bakailao jana.
- 22:00. Kontzertuak: El exterminio de la raza del mono, Dupla, Zazpizar erromeria, Dj Gorriontxu ta laztana.
- Maiatzak 27, zapatua.
- 17:00. Mus eta briska txapelketak.
- 21:00. Obieta aita-semeak.
- Maiatzak 28, domeka.
- 12:30. Meza.
- 13:00. Baso txoritxu.
- 14:00. Balkoitik balkoira bertso saioa: Onintza Enbeita eta Maialen Lujanbio.
- Maiatzak 26, barikua.
- Sukarrieta:
- Maiatzak 27, zapatua.
- 10:00. Txupinazoa
- 12:00. Kalez Kale Sukarrietako Kantagune
- 12:00. Haurren jokoak (Parkean)
- 13:30. Sardinada (Parkean)
- 17:00. Mus 21. Txapelketa
- 19:30. Haurren txokolatada
- 20:00. Xaibor (Parkean)
- Maiatzak 28, domeka.
- 10:00. 39. Sukalki Lehiaketarako izen ematea
- 12:00. Meza nagusia
- 13:00. Trikitixa
- 14:00. Lapikoen aurkezpena
- 14:30. Sarien banaketa
- 17:00. Pilota partiduak
- Maiatzak 27, zapatua.
