'Gustura' ibili dira berbalagunak Arrantzaleen Museoan
Bermeoko Berbalagun egitasmoak antolatuta, Arrantzaleen Museoa bisitatzeko aukera “paregabea” eduki dute zenbait berbalagunek, “gustura” ibili direla nabarmenduta.
Museoko gidari baten laguntzagaz egin dute bisita: “Gidariak azaldutakoa, bai bisita egin ahala gure artean sortu diren komentarioak, istoriotxoak eta pasadizoak, oso interesgarriak izan dira. Azken finean, gure bizimoduaren isla da museoan gaur egun ikus daitekeena, lehengoa eta gaur egungoa”.
Arrantzaleen Museoaren 75.urteurrenaren harira ikusgai jarri duten Benito Barruetari eskainitako erakusketa bisitatzeko aukera ere eduki dutela aipatu dute.
