Liburuaren Nazioarteko eguna ospatuko dute zenbait udalerritan
Ipuin kontalariak zein tailerrak egongo dira Bermeo, Busturia, Ea eta Gernika-Lumoko liburutegietan.
Domekan (apirilak 23) da Liburuaren Nazioarteko Eguna, eta horren harira zenbait ekitaldi antolatu dituzte bertoko herrietan.
Busturian, esaterako, bihar (apirilak 21), 10:00tan hasita, ipuin topaketa egingo dute liburutegian, eskolako umeekin. Ondoren, 10:30ean, Liburu Magikoa ipuin kontaketagaz ondo pasatzeko aukera edukiko dute. 17:00etan, Margotu zure liburutegia ekimenean parte hartzeko aukera edukiko dute. Arratsaldean, gainera, liburu bat maileguan hartzen duten horiek liburuak sartzeko poltsa bat jasoko dute opari.
Bermeon ere, umeentzako ipun kontalaria antolatu dute biharko (apirilak 21). Elssie eta Keko bertaratuko dira udal liburutegira Ipuinak Puzten kontatzera. 4 urtetik gorakoei zuzendutako saioa dela azaldu dute eta 18:00etan hasiko da. Astelehenean (apirilak 24), berriz, liburutegiko erabiltzaileean artean liburuak eta orri-markatzaileak banatuko dituzte, amaitu arte.
Ean, berriz, barikutik domekara (apirilak 21tik 24ra) liburuak oparituko dituzte. Eskolondo kulturgunearen arkupean liburuz betetako mahaia ipiniko dute. Bertan, nahi beste liburu irakurri eta hartzeko aukera izango dute herritarrek, doan.
Horrez gain, bihartik datorren barikura (apirilak 28), herriko gaztetxoek ipuin lehiaketan parte hartzeko aukera izango dute. 5 urtetik 12 urtera artekoek parte hartu dekzakete. Herriko txoko, auzo edo bestelako lekuei buruzko ipuinak idatzi beharko dute. 30 – 150 berba bitartean izan beharko dituzte, eta marrazkiekin laguntzeko aukera daukatela esan dute. Ipuinak udaletxean goizez edo Eskolondon arratsaldez aurkeztu beharko dituzte. Oarte hartzaileen artean saritxo bat zozketatuko dute.
Argazkia: Eako Udala.
Gernikako liburutegian, liburuak zelan egiten diren ikasten ospatu gura dute Liburuaren Nazioarteko Eguna, eta horretarako tailerra antolatu dute bertan egunean (apirilak 23). 5 urtetik aurrerako umeei zuzendutako tailerra da, eta aldez aurretik izena ematea ezinbestekoa da (94-465 00 31).
