Txerriki Eguna prestatzen hasiko dira Muruetan
Etzi egingo dute batzarra, 20:00etan, udaletxean.
Abenduan ospatu ohi dute Muruetan Txerriki Eguna, eta aurten ere asmo hori daukate. Udalak herritarrekin batera antolatu gura du aipatu eguna, eta horretarako prestaketa lanekin hasi gura dute. Lehenengo batzarrerako hitzordua jarri dute, etzi [urriak 27] izango da, 20:00etan, udaletxean.
Azaldu dutenez, batzar hori baliatuko dute gainera, herriko Andra Mari jaien balorazioa egiteko.
Muruetako udal ordezkariek, herritar guztiak gonbidatu dituzte batzarrean parte hartzera.
