Antzinako ohiturak irudikatuko dituzte Morgako X. Argazki Lehiaketan
Morgako X. Argazki Lehiaketan parte hartzeko asmoa daukatenek, urriaren 20a (eguena) bitartean aurkeztu ditzakete argazkiak.
Hain zuzen ere, kultura@morga.eus helbide elektronikora bidali behar dira; mezuan argazkilariaren izen abizenak, kontaktua eta argazkien kokapena zehaztu behar dira, Argazki Lehiaketa izenburupean. Parte-hartzaile bakoitzak gehienez bost argazki aurkeztu ditzake.
Antzinako ohiturak da aurten aukeratu duten gaia, eta beraz, tradizioz betetako irudiekin osatuko dute 2023.urteko udal-egutegia. Horretarako, lehiaketara aurkeztutakoen artean epaimahaikideek hamabi argazki aukeratuko dituzte, eta horiek udalaren webgunean (www.morga.eus) ipiniko dituzte ikusgai. Gogoratu dute egutegian argazki horizontalak sartuko dituztela.
Bi sari banatuko dituzte; lehenengo sariaren irabazleak txakolin botilak eta herriko taberna batean bi pertsonentzako hamaiketakoa irabaziko ditu, eta bigarrenarenak herriko taberna batean bi pertsonentzako hamaiketakoa.
