Elkano Itsas Herriak Mundakan egingo du geldialdia
Gaur, 17:00etan, zabalduko dute erakusketa eta informazio gunea. Haurrentzako astronomia tailerra egongo da gaur, 17:15ean, Talan.
Elkano Itsas Herria proiektuaren erakusketa Bermeon Elkano Itsas Herria proiektua Mundakan egingo du geldialdia, gaur iritsiko da. Ekainean egin behar zuen bertan geldialdia, baina eguraldi txarra egin zuenez, Juanita Larando patatxaren bisita baino ez zuten hartu. Hala, gaur, 17:00etan zabalduko dute Elkano Itsas Herria proiektuaren erakusketa eta informazio gunea, Talan.
Gaur bertan, umeek astronomia tailerrean parte hartzeko aukera edukiko dute, 17:15ean, Talan. Aranzadi Zientzia Elkarteko astronomia saileko kide Virginia Garciak eskainiko du aipatu tailerra, eta “oso interesgarria” dela diote.
Bihar eta etzi, berriz, Elkano Itsas Herria proiektuaren erakusketa eta informazio gunea bisitatu daitezke, 11:00etatik 20:00etara.
