Busturialdeko Beethovenen belarriak eta Ez dakit ba! taldeak, Bizkaiko taldekakoaren finalaurrekoetara
Mungian, Iurretan, Makina-Xemeinen, Algortan eta Bermeon jokatu dira asteburu honetan Bizkaiko Taldekakoaren saioak, eta Busturialdeko bi taldez gain, Akerbeltzen antxumak, Santutxuko Bertso Eskola eta Koipelustriek taldeek egin dute aurrera.
Zapatuko Bermeoko kanporaketa. Argazkia: Bizkaiko Bertsozale Elkartea Maiatzaren 28ko Bizkaiko Taldekakoaren finalaurrekoetan ariko diren taldeak ia erabakita daude; kanporaketa bakarra geratzen da faseari amaiera emateko.
Bost kanporaketa jokatu dira asteburuan, eta horietan Beethovenen belarriak, Ez dakit ba!, Akerbeltzen antxumak, Santutxuko Bertso Eskola eta Koipelustriek taldeek lortu dituzte finalaurrekoetarako txartelak.
Bermeon jokatu zuten zapatuan kanporaketa bat. Busturialdeo Beethovenen belarriak eta Azkena eta etxera taldeetako kideekin batera, Arratiako Toperak taldeko kideak aritu ziren, eta horien artean, Ander Arrien, Iker Uriarte, Janire Arrizabalaga, Jon Arano, Koldo Gezuraga eta Leire Garatxenak osatzen duten Beethovenen belarriak taldea sailkatu da hurrengo fasera. Alain Cuberoren, Ander Elortegiren, Beñat Bilbaoren, Imanol Ziluagaren, Jokin Ansotegiren eta Iñaki Aurrekoetxearen Azkena eta etxerak ez zuen lortu aurrera segitzea.
Busturialdeko Ez dakit ba! taldeko Eneko Aldanak, Koldo Muñizek, Lore Barrenak, Mikel Retolazak, Onintza Enbeitak eta Moises Enbeitak barikuan Oromiñon (Iurreta) lehiatu zuten kanporaketa, Kristiñanak eta Poto Baptist School taldeko kideen, eta eskualdekoek lortu zuten finalaurrekoetarako txartela.
Getxon, Markina-Xemeinen eta Mungian jokatu zituzten gainontzeko kanporaketak. Mungian, Take it easy!, Laukijjek eta Santutxuko Bertso Eskola taldeek jokatu zuten kanporaketa, eta Santutxuarrek lortu zuten finalaurrekoeta sailkatzea. Markina-Xemeinen, Akerbeltzen antxumak eta Gerri maltxurrak taldeek jokatutako kanporaketan etxeko taldeak, Akerbeltzen antxumak, irabazi zuen. Getxon, berriz, Estropozi, Tosu bizirik eta Koipelustriek taldeek jokatutako kanporaketan, aldiz, Abadiñoko Koipelustriek taldeak lortu zuen sailkatzea.
