Laneko prebentzioa, argazkietan irudikatuta
Gogoeta egiten laguntzeko argazkiak dira Busturiko Altamirako udal liburutegian ikusgai daudenak; astelehenera bitartean bisitatu daiteke erakusketa.
Prebentziozko begiradak erakusketa bisitatu daiteke astelehenera (abenduak 13) bitartean, Altamirako udal liburutegian. Hain zuzen ere, laneko arriskuen prebentzioari begiratzen dion argazki sorta bat jarri dute ikusgai, laneko arriskuei buruzko argazki lehiaketan parte hartu duten 1.600 argazkien artetik jasotakoak.
2004an hasi ziren aipatu argazki lehiaketa antolatzen, “prebentzioaren kultura sustatzeko, laneko istripuen kontrako kontzientzia pizteko eta denon artean lan ingurune seguruagoak eta osasungarriagoak lortzeko helburuagaz”. Azaldu dutenez, gogoeta egiten laguntzeko argazkiak dira erakusketan ikusi daitezkeenak.
