Familian egiteko eskulan tailerra antolatu dute Foruan
Etzi egingo dute eskulan tailerra, 18:00etatik 19:30era. Izena eman behar da.
Beste behin ere, J.M. Torrealdai Kultur Etxeak familian egiteko eskulan tailerra antolatu du etzirako (irailak 24).
Ikastaroa 18:00tik 19:30era bitartean egingo dute kultur etxean bertan. Arduradunek azaldu dutenez, 3 eta 12 urte bitarteko umeei zuzendutako ekimena da, familia giroan eskulanak egiten treba daitezen. Leku mugatuak egongo dira eta segurtasun eta higiene neurri guztiak beteta egingo dute.
Familian eskulanak egiteko tailerrean parte hartu gura dutenek bihar dute izena emateko azken eguna: liburutegi.forua@bizkaia.org edo 688 866 889 (Whatsapp).
