KAE 2 Ligan Elantxobeko estropada lehiatuko dute domekan
KAE 2 ligako taldeek 33. Elantxobeko Traineru Estropada lehiatuko dute domekan, 12:00etan hasita.
ETE, KAE 1 eta KAE 2 ligen bigarren asteburua da honakoa, eta hiru ligetan jardunaldi bakarra jokatuko dute. Denek ere domekan [ekainak 27] lehiatuko dituzte banderak.
KAE 2 ligako taldeek 33. Elantxobeko Traineru Estropada lehiatuko dute, 12:00etan hasita. KAE 1ekoek ordu berean hasiko dute V. Adegi-Fabrika Bandera, Pasai Donibanen. ETE ligakoak ere bertan egongo dira, IX. Pasaiako Bandera lortzeko lehian. Horiek 11:20an hasiko dute estropada.
Denboraldiko lehen jardunaldian bosgarren sailkatu zen Busturialdea, zapatuan [ekainak 19]. 36. Pasaiako Ikurriña Hondarribiak irabazi zuen, 21 minutu, 39 segundo eta 66 ehuneneko denboragaz. Irabazleaz gain, Portugaletek, Donostiarrak eta Zarautzek amaitu zuten estropada 22 minutu baino gutxiagotan. Busturialdeak 22 minutu, hiru segundo eta 36 ehuneneko denboran amaitu zuen estropada.
