Undabasoko espezie inbaditzaileak kontrolatzeko deialdia
Uztailaren 1ean joango dira Undabasora, eta irteeran parte hartu gura duenak aldez aurretik izena eman behar du
Lurgaia Fundazioak Undabasoko landare inbaditzaileak kontrolatzeko jardunaldia antolatu du. Uztailaren 1ean, Muxikako gune horretara bueltatuko dira bertan eraztunak jarri eta ale ezberdinen zabalkundea saihesteko neurriak hartzeko.
Espezie exotiko inbaditzaileek galera handiak dakarkie biodibertsitateari, mundu zabalean. Horregatik, Undabasoko proiektuaren barruan, espezie horiek kontrolatzeko eta desagerrarazteko jardunaldi batean parte hartzera animatu gura dituzte herritarrak, etorkizuneko basoen garapen ona ahalbidetzeko.
Talde mugatuak izango dira parte hartuko dutenak. Beraz, aldez aurretik izena eman behar da, info@lurgaia.org helbidean. Jardunaldiaren izena, eta parte hartu nahi duten denen izen-abizenak, adina, jatorrizko udalerria eta kontakturako telefono zenbakia zehaztu beharko dira mezua bidaltzean.
Astei nekazal turismoaren aparkalekuan batuko dira, uztailaren 1ean, 09:00etan. Maskara erabiltzea eta segurtasun distantzia mantentzea derrigorrezkoa izango da uneoro.
