Muxikako Bigarren eskuko azokan postua jartzeko aurretiaz izena eman behar da
Uztailaren 10ean Zubieta Errota aurrean egongo dira azokaren salmahaiak.
Bigarren Eskuko Azoka egingo dute Muxikan, uztailaren 10ean [zapatua]. Zubieta Errota aurrean ipiniko dituzte salmahaiak, 10:00etatik 15:00etara.
Bigarren eskuko arropa, altzari, liburu, jostailu… edo bestelako produktuei «bigarren aukera bat emateko bidea» dela gogoratu dute. Gainera, herri mugimendu edo kolektibo moduan parte hartu ahal dute.
Postua jartzeko Zubieta Errotan izena eman behar da edo 645 00 66 63 telefono zenbakira deitu edo liburutegia@muxika.org helbide elektronikora idatzi. “Herritar guztiak gonbidatuta zaudete postua jartzera. Udalak mahai bana jarriko dio parte-hartzaile bakoitzari eta poltsak, pertxak eta bestelako materiala bakoitzak eroan beharko ditu”.
