Rodeo eta Katez taldeen kontzertuak, bihar, Astran
Egurre Gazte Asanbladiek antolatu ditu kontzertuak, "Erresistentzia Kutxa Nazionala hornitzeko asmoz". Sarrerak salgai daude Astran.
Gernika-Lumoko Egurre Gazte Asanbladiek Rodeo eta Katez taldeen kontzertuak antolatu ditu biharko, Astran.
Erresistentzia Kutxa Nazionala hornitzeko asmoz antolatu dituzte kontzertuak, izan ere, diotenez, “antolakuntzaz eta elkartasunez baino ez da posible Erresistentzia Kutxa nazionala indartzea”.
Kontzertuak 17:30ean hasiko dira, baina 16:00etan zabalduko dituzte kulturarako fabrika sozialeko ateak.
Kontzertuetara joateko sarrerak salgai daude, eta egunero Astran 17:00etatik 20:00etara eskuratu daitezke, baita egunean bertan ere.
