Izaskun Mujikaren ipuin kontaketa saioa hartuko du liburutegiak
Bi saioa eskainiko ditu Mujikak barikuan; 17:30ean bat eta 18:05ean bestea.
Zuhaitzean hazitako ipuinak ipuin kontaketa saioa eskainiko du Izaskun Mujikak barikuan, udal liburutegian.
Jakitera eman dutenez bi saio eskainiko ditu ipuin kontalariak. Lehenengo saioa 17:30ean izango da, eta talde horretan 3 eta 4 urte bitarteko umeek parte hartu ahalko dute. 18:05eko saioa, berriz, 5 urtetik gorakoei zuzendutakoa izango da.
Lekuak mugatuak dira, hortaz, ezinbestekoa izango da aldez aurretik liburutegian (94-617 91 51) bertan izena ematea.
