Xabier Armendariz Magallanes-Elkano espedizioari buruz ariko da
Historialariak Arrantzaleen Museoan emango du hitzaldia, eta aldez aurretik izena eman behar da
Xabier Armendariz historialariak hitzaldia emango du otsailaren 18an, Bermeoko Arrantzaleen museoan. Nabigazio astronomikoa izango du hizpide. Hain zuzen, Magallanes-Elkano espedizioa hartuko du ardatz berbaldia emateko. Espedizio hartako erronka handienetako bat izan zen inork zeharkatu ez zituen eta bere hedadura zehatz ezagutzen ez zuen ozeanoetan nabigatzea. Erronka hori betetzeko, sendotasuna eta ausardia handia behar ziren, baita itsas zientziari buruzko ezagutzak eta trebetasuna ere.
Horri buruz ariko da Armendariz 18:30ean hasiko den saioan. Gazteleraz izango da berbaldia eta parte hartu gura duenak izena eman beharko du aldez aurretik: 94-688 11 71/arrantzaleenmuseoa@bizkaia.eus.
