'Beste bat!' zirkuituaren baitan hamahiru emanaldi egongo dira aukeran Bermeon
Zapatuan, abenduaren 5ean, Huntza musika taldea igoko da Bermeoko Kafe Antzokiko agertokira. Sarrerak kafe antzokiko webgunean daude salgai.
Joan den astean aurkeztu zuten Beste Bat! zirkuitua. Argazkia: Irekia Otsailaren amaierara arte, Beste bat! zuzeneko arteen zirkuituaren baitan, 250 musika, antzerki, dantza eta zirku emanaldi hartuko dituzte Araba, Bizkai eta Gipuzkoako 31 antzokik eta hamar aretok. Bermeon ere aukera zabala egongo da; mota guztietako hamairu emanaldiegongo dira aukeran.
Musika Bulegoak jarri du martxan egitasmoa, antzokien sarearekin elkarlanean, eta Eusko Jaurlaritzak diruz lagundu du. Sustatzaileek azaldu dutenez, zuzeneko arteen sektorea osatzen duten eragileen “kate osoa” bultzatzea eta kultur eszena “aktibatzea” du helburu. Aitor Bengoetxea Musika Bulegoko lehendakariak gogora ekarri du, emanaldi bakoitzaren atzean, sortzaileak, teknikariak, programatzaileak, aretoak… eragile asko daudela, eta zirkuitua antolatzean guztiak kontuan hartu gura izan dituzte. Zirkuituan parte hartuz zuzenekoak eta kultura segurua sustatzean duten konpromisoa berretsi gura izan dutela esan du antzokien sareko ordezkari Joxean Cuberok.
Honako emanaldiak egongo dira aukeran Bermeon:
- Abenduak 5 (zapatua): Huntza. 19:00etan, Bermeoko Kafe Antzokian. Sarrerak salgai Bermeoko Kafe Antzokiko webgunean.
- Abenduak 19 (zapatua): Sua. 19:00etan, Bermeoko Kafe Antzokian. Sarrerak Bermeoko Kafe Antzokiko webgunean jarrriko dituzte salgai.
- Abenduak 23 (eguaztena): Keu-Haimar-Mikel.
– 19:00etan, Bermeoko Kafe Antzokian.
– Sarrerak Bermeoko Kafe Antzokiko webgunean jarrriko dituzte salgai. - Abenduak 29 (martitzena): Pirritx, Porrotx eta Marimototxen Amaren Intxaurrak.
– 16:00etan eta 18:30ean, Artza frontoian.
– Sarrerak Gizarte eta Kultura Etxean egongo dira salgai. - Abenduak 30 (eguaztena): Niña Coyote eta Chico Tornado.
– 19:00etan, Bermeoko Kafe Antzokian.
– Sarrerak Bermeoko Kafe Antzokiko webgunean jarrriko dituzte salgai. - Abenduak 30 (eguaztena): Goiko Gela gospel zikloa.
– 19:00etan, Andra Mari elizan.
– Sarrerak Gizarte eta Kultura Etxean egongo dira salgai. - Urtarrilak 8 (barikua): Vaiven Produkzioaken Erlauntzak.
– 19:00etan, Bermeoko Kafe Antzokian.
– Sarrerak Gizarte eta Kultura Etxean egongo dira salgai. - Urtarrilak 16 (zapatua): Arkada Social.
– 19:00etan, Bermeoko Kafe Antzokian.
– Sarrerak Bermeoko Kafe Antzokiko webgunean jarrriko dituzte salgai. - Urtarrilak 23 (zapatua): Xsakara bermeotarra.
– 19:00etan, Bermeoko Kafe Antzokian.
– Sarrerak Gizarte eta Kultura Etxean egongo dira salgai. - Urtarrilak 30 (zapatua): Jon Gurrutxaga.
– 19:00etan, Bermeoko Kafe Antzokian.
– Sarrerak Bermeoko Kafe Antzokiko webgunean jarrriko dituzte salgai. - Otsailak 13 (zapatua): Vulk.
– 19:00etan, Bermeoko Kafe Antzokian.
– Sarrerak Bermeoko Kafe Antzokiko webgunean jarrriko dituzte salgai. - Otsailak 16 (martitzena): Mikel Urdangarin.
– 19:00etan, Artza frontoian.
– Sarrerak Gizarte eta Kultura Etxean egongo dira salgai. - Otsailak 27 (zapatua): La Excavadora.
– 19:00etan, Bermeoko Kafe Antzokian.
– Sarrerak Bermeoko Kafe Antzokiko webgunean jarrriko dituzte salgai.
