eLiburutegia erabiltzen ikasteko ikastaroa eskainiko dute Foruan
Zapatuan izango da ikastaroa, 11:00etatik 13:00etara. 14 urtetik gorakoek parte hartu ahal dute, eta bihar da izena emateko azken eguna.
eLiburutegia zelan erabiltzen den ikasi gura duten foruarrek zapatuan izango dute horretarako aukera; izan ere, Foruko Udalak eta J.M. Torrealdai Kultur Etxeak horretarako ikastaro bat antolatu dute.
Aipatu ikastaroan eLiburutegia ezagutzeko aukera izango dute herritarrek, bai eta gailuetan zelan erabiltzen den ikasteko aukera ere edukiko dute.
Zapatuan izango da ikastaroa, 11:00etatik 13:00etara. Jakinarazi dutenez, 14 urtetik gorakoek parte hartu ahalko dute ikastaroan, eta doan parte hartu daiteke Hori bai, lekuak mugatuak dira eta izena eman behar da. Bihar da izena emateko azken eguna, Foruko J.M. Torrealdai Kultur Etxean.
