Eneko Aldana nagusitu da Muxikan
Berrizko kultur etxean jokatu zen atzoko bigarren saioa. Bertan, Iruri Altzerreka nagusitu zen.
Udabarria Bertsotan faseko beste bi saio jokatu zituzten atzo, eta Eneko Aldana eta Iruri Altzerreka dira bi saioetako irabazleak.
Muxikako Ariatza eskolan jokatu zuten saioetako bat, eta sarrera guztiak agortu ziren. Saioko irabazlea Eneko Aldana gernikarra izan zen onena.
Aldanak lortu zituen puntu gehien. Hain zuzen, 178 puntugaz nagusiu zen. 2,5 puntu gutxiagogaz sailkatu zen Arkaitz Zipitria; 175,5 puntu eskuratu zituen. Jone Larrinaga izan zen hirugarrena, 160 puntugaz.
Larrinagatik sei puntura, Peru Irastortza bertsolaria sailkatu zen laugarren, 154 puntugaz. Haren atzetik, Aritz Landetak 152 puntu bildu zituen, eta Iñaki Lersundik, berriz, 116.
Saioan gaiak ematen Leire Garatxena Larrabe aritu zen. Epaimahaian Alaitz Etxanobe Bereziartua, Graxi Arregi Leonardo eta Jurgi Fuentes Goikoetxea egon ziren, eta idazkari beharretan, berriz, Itziar Basterretxea Olarreaga.
B multzoko saioa, Berrizen. Berrizko kultur etxean jokatu zen atzoko bigarren saioa. Bertan, Iruri Altzerreka nagusitu zen 170,5 puntugaz. Puntu bakarrera bigarren sailkatu zen Mikel Goiriena. Hirugarrena, berriz, Aitor Esteban izan zen 150,5 puntugaz.
Nahia Ibarzala bertsolari markina-xemeindarra 145 puntugaz laugarren sailkatu zen, eta haren atzetik maider Altuna geratu zen; 142 puntu eskuratu zituen. Axier Goñi seigarrena izan zen, 135 puntugaz.
Saioa zuzentzen Itxaro Juaristi Olaetxea ibili zen. Epaimahaia, ostera, hurrengoek osatu zuten: Ander Arrien Aspiazu, Leire Etxebarria Gaztelu eta Mirari Azula Aurrekoetxea. Idazkaria Karmele Gisasola Zenikazelaia izan zen.
Gaur azkenak. Udabarria Bertsotan faseko azken saioak Zallan eta Derion jokatuko dira gaur, eta sarrerak salgai daude www.bertsosarrerak.eus atarian.
Zallako bertso saioan Koldo Muñiz gernikarra ariko da. Beragaz batera ariko dira Garai Navarro, Gorka Pagonabarraga, Igor Galarza, Javier Martinez eta Illart Gumuzio.
Derioko saioan, berriz, Mikel Retolaza bertsolari busturiarra egongo da. Lea-Artibaiko Aissa Intxausti lekeitiarrak, Lurdes Ondaro munitibartarrak eta Josune Aramendi markina-xemeindarrak kantatuko dute. Horiez gain, Eneko Barruetabeña eta Iker Apraiz egongo dira.
