Ertzaintzaren helikoptero batek gizon bat erreskatatu du
Arribolasen arrantzan zegoen gizon bat erori egin zen zapatuan, eta min hartu zuen
Ertzaintzaren helikoptero batek gizon bat erreskatatu zuen zapatuan. 48 urteko gizona arrantzan zegoen Arribosalen eta erori egin zen.
Zauritutako gizonagaz zegoen adiskide batek deitu zuen SOS Deiak 112 zerbitzura. Eroritakoak belaunean eta bizkarrean kolpea hartu zuen, eta ezin zen oinez irten, iristeko zaila den leku harritsu batean baitzegoen.
Ertzaintzaren Zaintza eta Erreskate Unitateko helikoptero bat eta Mendiko Ataleko agenteak bertaratu ziren lekura, eta zauritua erreskatatu eta inguruan zegoen anbulantzia bateraino eraman zuten. Osasun-zerbitzuek artatu zuten zauritua, eta ospitalera eraman zuten.
