Eako kultur teknikaria Ludotekan egongo da eguenetan
Momentuz Eskolondo zabaldu ezin dutenez, kultur teknikariak eguenetan eskainiko du zerbitzua, 17:00etatik 20:00etara.
Eako Udaletik jakinarazi dutenez, COVID-19a dela eta, momentuz ezin dute Eskolondo ireki, “ez liburutegirako, ez gimnasiorako, ez frontoi eta rokodromorako, ez goiko geletarako eta ezta Beletxerako ere ez”.
Hala ere, kultur teknikaria Ludotekan egongo da eguenetan, 17:00etatik 20:00etara. Esan dutenez, herritarrek egun eta ordutegi horretan liburuak hartu eta itzuli, interneta erabili edota bestelako tramiteak egin ahalko dituzte.
