Bederatzi positibo Busturialdean
Eusko Jaurlaritzak emandako datuen arabera, atzo launa positibo baieztatu ziren Bermeon eta Muxikan eta bat Foruan.
Eusko Jaurlaritzak emandako azken datuen arabera, atzo koronabirusagatik Bizkaian baieztatu ziren 63 positiboen artean, 9 Busturialdekoak izan ziren. Launa positibo baieztatu dituzte Bermeon eta Muxikan, eta bat berriz, Foruan. Atzo eman zituzten herriz-herriko asteburuko datuak, eta zapatuan ere positibo bat egon zen Bermeon.
Jakitera eman dutenez, atzo 3.682 PCR proba egin zituzten Euskal Autonomia Erkidegoan (EA), eta horietatik 90 positiboak izan ziren: 63 Bizkaian, 20 Gipuzkoan, 5 Araban eta 2 EAEtik kanpo bizi diren pertsonetan.
Koronabirusaren ondorioz 4 pertsona ospitaleratu ziren atzo, eta COVID-19a duten 2 pertsona daude ZIUn.
