Esne Beltza Bermeon egongo da Naiz kontzertuen barruan
Bermeoko Kafe Antzokian eskainiko dute kontzertua, 22:00etan hasita.
Naiz kontzertuak biraren baitan, Esne Beltza musika taldearen txanda izango da barikuan. Kontzertua, gainera, Bermeon izango da, Kafe Antzokian.
22:00etan hasiko da kontzertua, eta koronabirusagatik Kafe Antzokiko edukiera mugatua izango denez, ohi baino jende gutxiagorentzako lekua egongo dela zehaztu dute. Kontzertua eserita ikusiko dute bertaratzen direnek.
Sarrera desberdinak. Kafe Antzokian kontzertua ikusteko sarrerek 10 euro balio dituzte. Naiz kontzertuak, hala ere, sarean ere ikus daitezke. Zuzenean eskaintzen dituzte, eta hurrengo 48 orduetan ere ikusgai egoten dira. Kontzertuak sarean ikusteko sarrerek 2,5 euro balio dituzte. Sarrerak salgai daude dagoeneko (naiz.eus/naizkontzertuak ).
