Bermeoko EH Bilduk hitzaldia antolatu du biharko
'Herri hezitzailea pandemia baten aurrean' hitzaldia eskainiko du Jokin Lapazak. 19:00etan jarri dute hitzordua Bilgunean.
Bermeoko EH Bilduk hitzaldia antolatu du biharko; 19:00etan emango diote hasiera, Lamera Txikiko Bilgunean.
Hain zuzen ere, Jokin Lapazak Herri hezitzailea pandemia baten aurrean hitzaldia eskainiko du. Gaia “oso zabala” dela dio, hortaz, hitzaldira bertaratzen diren pertsonen interesetara egokitzeko ahalegina egingo dute.
Gaia aurkezteko sarrera labur bat egingo du Lapazak, eta ondoren, eztabaida, gogoeta eta saio parte hartzaile bat egitea dute helburu: “Modu horretan, Bermeon zein egoeratan gauden aztertu eta aurrera begira martxan jarri daitezkeen ekimenak identifikatzen saiatuko gara”.
