Bermeoko jaietako kartel finalistak aukeratu dituzte
'Etxetik At!' eta '2020 Denontzako Jai' kartelen artean aukeratu beharko dute herritarrek. Uztailaren 3ra [barikua] arte bozkatu ahalko da
2020 kartel finalistak Andra Mari eta Santa Eufemia jaietako kartel lehiaketara aurkeztu dituzten kartelen artean, bi finalista aukeratu dituzte. Orain, herritarren txanda da. Bi kartel finalisten artean gustukoena bozkatu beharko dute.
Etxetik At! eta 2020 Denontzako Jai kartelen artean aukeratu beharko dute herritarrek. Uztailaren 3ra [barikua] arte bozkatu ahalko da Gizarte eta Kultura Etxean ezarri den kutxa batean edo Internet bidez (https://forms.gle/Y2erZEUvLH6W9wqY9). Kultur Etxeko kutxan jasotako botoek %70eko balioa izango dute eta Internet bidez jasotakoek %30a.
